Author name: Surya Narayana

అలమేలు మంగపతీ…ఆనందరూపుడా…
పద్మావతీ వల్లభుడా…ఏడు కొండలవాడా…
శ్రీ పతివి నీవు శ్రీనివాసా….
జగమునకు అధిపతివి నీవు వేంకటేశా…!!అల!!

ఎంత సుందరునివో నీవు సుందరేశా…
జగతికెంత భాగ్యమో నిను కనిన పార్వతీశా…
అరుణ కాంతులతో నీవు వెలుగొందుచుంటే…
కరుణ కిరణాలు మావైపు ప్రసరించుతుంటే…

పరుగు పరుగున రారండి భక్తులారా…
అర్ధ నారీశ్వరుని కనగ ఆర్తులారా…
రాదంట మనకింక ఏ కష్టము…
కనిన మేలంట మన జన్మ ఆసాంతము…

భక్తజన సులభా..పార్వతీ వల్లభా…
హేమాద్రి శోభా…ప్రేమ గుణ సౌరభా…
సేవింతు శంకరా…ప్రతి ఉదయ సంధ్యన…
నిన్ను ధ్యానింతు శంకరా..నా మానసమునందున….!!భక్త!!

నమ:శ్శివాయ… నమ:శ్శివాయ…అని స్మరిస్తూనే ఉండనీ…
శంకరా…ఆ పదము నా నాల్కపై నాట్యమాడుతూనే ఉండనీ…
శివా…ఇదే నేను నిన్ను అడుగు వరము…
ఓ హరా… నాకిదే నిను చేరు సరియైన మార్గము…!!నమ:!!

అత్యంత సుందరా శివ శంకరా…
అపర్ణా పతీ శివా…గంగాధరా….
బిల్వ దళ ప్రియ భీమేశ్వరా…
భస్మ అభిషేక ప్రియ కాళేశ్వరా…

పలుకరా ఓంకారము…
భక్తి మీరా శివుని ప్రియనాదము…
వ్రాయరా…ఓంకారము…
హరుడు చుట్టేను నీ బ్రతుకుకు శ్రీకారము…

ప్రణామములు.. నీకు పార్వతీ ప్రియ నందన…
సదా పత్రి పూజలు చేతుము శివ గజనాన…
ఆశీస్సులీవయ్య గణనాయక….
శుభాశీస్సులీవయ్య శుభదాయక…!!ప్ర!!

అహో నీలకంఠ…
పండెరా మా బంగారు కలల పంట..
కంటిరా ముక్కంటి సుందరముగా…
రమ్మంటిరా నా మదికి సాదరముగా…

గోవింద గోపాల నారాయణ…
అరవింద నేత్రాల మధుసూధన..
మా తల్లి శ్రీలక్ష్మి హృదయాసనా…
మాకు మోక్షాల నీవయ్యా యదు భూషణ…