September-2024

త్రినేత్ర నీలకంఠా…
త్రిశూల గరళ కంఠా…
ఎవరికీ కానవంట…
శరణనిన రక్షింతువంట….
నీ మహిమ తెలియదంట….

పిలిచిన పలికే శంభుడా..
వరమడిగిన ఇచ్చే దేవుడా…
శ్లోకాలను పలికెద ఈశుడా…
శోకాలను తుడువుము సాంబడ…

ఏడుకొండల వాడ వేంకటేశా….
మూడు నామాల వాడ తిరుమలేశా…
వడ్డి కాసుల వాడ శ్రీనివాసా…
వేంగమాంబా ప్రియ చిద్విలాసా…

పాడవే మనసా శంకరుని గీతం…
కొనియాడవే మనసా…ఈశ్వరుని చరితం…
సుందరేశుడు హర్షించు నీ స్వర పూజను…
శాంకరీశుడు వర్షించు వర జడివానను…

కలువ మాలలలోన కాశీపతి…
కలలు పండించనున్నాడు గౌరీపతి…
అడగ తరుణమిది శంకరుని ఏదేని వరము….
కోర తగు సమయమిది ఈశ్వరుని ఇమ్మనుచు మోక్షము…!!క!!

సోమేశ్వరా..నిను పొగడ కష్టమంటి…
నాగ చంద్రేశ్వరా…కీర్తింప ఎవరి తరమంటి…
పరమేశ్వరా…నీ ప్రేమ అసమానమంటి…
మహా కాళేశ్వరా…నీ కరుణ అమోఘమంటి…

కుంకుమ చందన లేపనం…
పంకజ హార సుశోభితం…
హే గంగాధర నీ దర్శనం…
తిలకించిన జన్మలు పావనం…

చెప్పకనే నా మనసు నిను తలచునయ్యా…
నాకు తెలియకనే నీ స్మరణ తను చేయునయ్యా…
ఎంత భాగ్యమ్ము నిచ్చావు శంకరయ్య…
ఈ జన్మకెంత యోగము నిచ్చావు ఈశ్వరయ్య…!! చె!!

రాముడు చేసిన లింగమా…
తను పూజలు చేసిన జంగమా…
భరతావని జ్యోతిర్లింగమా…
ఈ అవనిని చల్లగ కావుమా…

శివ శంకరీ తల్లి పరమేశ్వరీ…
అభయంకరీ మాతా భువనేశ్వరీ…
అఖిల జగములనేలు ఆదిపరాశక్తి…
మహాద్భుతమమ్మ తల్లి నీదు ఘన కీర్తి…!!శివ!!