Author name: Surya Narayana

వేడుకొన రారండి శివపుత్రుని…
మనసారా పూజించరారండి గణనాథుని…
తెలుపుకొన రారండి మీ వినతిని…
భక్తితో కొలవంగ రారండి గజముఖుడిని…!!వే!!

రక్షాబంధన వేళ రక్షకుడవై రావయ్య శివ శంకరా…
దుర్మార్గము పెల్లుబుకుతోంది దుష్ట శిక్షణ చేయరావయ్య పరమేశ్వరా…
చితికి పోతున్నారు లేత చిన్నారులు…

సుమమునవనీవయ్యా శివ శంకరా…
గంగ జల ధారనవనివ్వు పరమేశ్వరా…
శూలమవనీవయ్య శంభో హర…
కాలి గజ్జెనవనీవయ్య గంగాధరా..

సంగమం…సంగమం…
శివ పార్వతుల అనురాగ సంగమం…
సరాగం.. సరాగం…
పార్వతీ పరమేశ్వరుల ప్రణయ సరాగం….

క్షీరాబ్ది కన్యకవే శ్రీ మహాలక్ష్మీ…
శ్రీహరి ప్రియచంద్రికవే సౌభాగ్య లక్ష్మీ..
కమలాక్షి మాతవే కనకమహాలక్ష్మి…
శ్వేతాంబరధరే దేవి శ్రావణ వరలక్ష్మి…

కాళి వైన నీవే కాత్యాయనీ…
వరలక్ష్మి వైన నీవే వరదాయినీ…
శార్వాణి వైన నీవే శుభ దాయినీ…
ముగురమ్మల మూలకూటమ్మావే మృధుభాషిణి…!! కాళి!!

పరిపూర్ణ భక్తులను ప్రేమించు శివుడు….
నిస్వార్థ హృదయముల నివసించు హరుడు….
ఏ స్వార్ధము లేక క్షీరసాగర మథనమున తనువు నర్పించిన వాసుకీ….
నిదర్శనము నీవే కదా కాళమా మెడలోన మాలవై మాశివునికి…!!పరి!!

ఎర్రా ఎర్రని ముక్కెరలో…
ఎరుపెక్కిన పెదవుల మెరుపులలో..
సన్నా సన్నని నవ్వులలో…
సంపెంగల పువ్వుల వెన్నెలలో…

శ్రావణ మాసపు ఘడియలలో….
నిను కొలిచెను భక్తులు లక్షలలో…
నేనొకడిని అందున పరమేశా…
నా పిలుపులు అందేనా జగదీశా…!!శ్రావణ!!

ఈశ్వరా..అర్పించనున్నాను నా మనసుని…
పరమేశ్వరా…సమర్పించ నున్నాను నా జన్మని…
భక్తి పూర్వకమైన వినతులివి మన్నించరా….
ప్రేమ పూర్వకముగ నను నీవు హత్తుకొనరా…