Author name: Surya Narayana

కైలాసము నందున్న సిద్ధి గణపతి…
నువ్వు కులాసాగా ఉండాలయ్య బొజ్జ గణపతి….
భూలోకమున చేసాము చవితి పండుగ…
మేము చేసాము నీ పండుగ భలే జోరుగా…

ఏకదంత మహాకాయ నీకు వందనం …
శూర్పకర్ణ గణేశాయ శిరసాభివందనం….
వెలసినావు పండగేళ వాడ వాడలా ..
దయ తలచుమయ్య గణపతి ఎల్ల వేళలా….!! ఏక!!

గణానథా నీ పండుగను…
ఘనముగా జరిపామయ్యా మేము…
శివపుత్రా నీ వేడుకను…
చూసిన జన్మలకవ్వు ఒక వరము…

జననీ జనకులు మీరే…
జగముల తల్లియు తండ్రియు మీరే…
సృష్టికి మూలం మీరే…
పునః సృష్టికి ప్రాణం మీరే…

మాధవుడు మహేశ్వరుడు ఒక్కటనే తెలుసుకో…
వారి అంతరాత్మలొక్కటనే సత్యమునే తెలుసుకో…
చూపించును చూపు..రెండు కళ్ళూ ఒక్కటై…
అలా కరుణించును మనని వారిద్దరూ ఒక్కటై…

మోదక హస్తా గణనాథా…
మా ప్రార్థన కాస్త వినరాదా….
శంభుని పుత్రా గణనాథా….
నీ పూజను చేసితి కనరాదా…

జయ జయ జయ హనుమా…
శ్రీ రామదూత శ్రీ హనుమా..
జయ మంగళమయ్యా హనుమా…
నీ సాటి ఎవరయా హనుమా…

మూడు కన్నుల వాడా కదలి రావయ్యా…
ముక్కంటి మా మొరలు వినగరావయ్యా…
వెండి కొండల వాడా వేగరావయ్యా…
వేసారి ఉన్నాము ఓదార్చ తరలిరావయ్యా…!!మూడు!!

ఈశ్వరా…నీ పూజతో నా దినచర్య మొదలవ్వనీ…
పరమేశ్వరా..నీ సేవతో ఆ రోజు పూర్తవ్వనీ…
ఇలా ప్రతి రోజు నీ పూజ వ్రతమవ్వనీ…
అలా వరమిచ్చి ఈ జన్మ నీ పరమవ్వనీ…!!ఈ!!