July-2024

అడ్డబొట్టూ సామి… పలుకవేమి…
విభూది నామాల సామీ..నీవు ఉలకవేమి….
పలుకనంటే ఎట్టయ్య శంకరయ్య…
నీ మీద ఒట్టయ్య నీవే దిక్కయ్య…!!అడ్డ!!

వచ్చేవు గణపయ్య చవితికి…
నీవు తెచ్చేవు వరములను భూమికి…
ఇచ్చేవు దీవెనలను జనులకి…
పొంగిపోయేవు “జై గణేశ” పిలుపుకి….!!వ!!

ఏకదంత మహాకాయ నీకు వందనం …
శూర్పకర్ణ గణేశాయ శిరసాభివందనం….
వెలసినావు పండగేళ వాడ వాడలా ..
దయ తలచుమయ్య గణపతి ఎల్ల వేళలా….!! ఏక!!

అపర్ణా పతి దర్శనం…అత్యద్భుతం…
విశాలాక్షీ పతి వీక్షణం…పరమాద్భుతం….
విరి సిరుల నడుమ విశ్వేశ్వరుండు..
మారేడు దళ నిధుల మధ్య మహేశ్వరుండు….