Author name: Surya Narayana

నవ వరుడుమల్లె నిటలాక్షుడు…
నిత్యనూతన శోభతో చంద్రశేఖరుడు…
వెలుగొందుతున్నాడు శంకరుడు కనవమ్మ పార్వతీ….

కరుణించినావా శంకరా…హనుమని…
అంజనీ సుతునిగ దర్శనంబిచ్చి చాటుకున్నావుగా నీ ప్రేమని…
శ్రీ రామ..శ్రీ రామ అని తలచేటి హనుమ…

జయ జయ శ్రీ మహాకాళ…
హర హర శ్రీ మహాకాళ…
వరదాయక మహాకాళ…
శుభదాయక మహాకాళ..

ఆనందమానందమాయె శంకరా…నా కనులకు…
బహుసుందరాకృతిన నిను కనిన ఈ జన్మకు…
కారుణ్యములు..నీ కనులు ప్రసరించుచుండగా…

ఓం నమో రుద్రాయ…వీరభద్రాయ త్రినేత్రాయ శివ పాహిమాం…
మహాకాళాయ… మహా ధీరాయ.. మహా శూరాయ రక్షమాం…..
మహా దేవాయ… ప్రణవనాదాయ….సార్వభౌమాయ మంగళం…

ఓం నమ:శ్శివాయ… నారాయణ రూపాయ…
ఓం నమో ఫణిభూషణాయా…పద్మనాభ శోభితాయా…
పరమాత్ములారా..మిము గని పరవశించె మా మది…

నమామి..నమామి..నమో నమామి..శ్రీ రామనవమి….
పరమేశ్వరా…పరంధాముడై నీవు సాక్షాత్కరించిన వేళ పరవశించె ఈ పుణ్యపుడమి…
ఉజ్జయిని క్షేత్రము అయోధ్యానిలయమై వెలిగిపోతోంది…

దాక్షాయణీ హృదయనిలయేశ్వరా…
కాత్యాయినీ కలల నగరేశ్వరా…
తిలకించుతుంటే నీ రూపము..
కదలివచ్చినట్లుంది వీడి ….నీవు కైలాసము…

ఓంకార తిలకాంకృత పరమేశ్వరా…
కలలు సాకారమొనరించు పార్వతీ హృదయేశ్వరా…
కరిగి పోవు కదా శంకరా…మనసెంత కఠినమైనా..

తలపైన గంగమ్మా…
సగభాగమౌ గౌరమ్మా…
కనరమ్మ…కనరమ్మ శ్రీ సాంబశివుని…
పుష్పశోభితమైన నిటలాక్ష హరుని..