Author name: Surya Narayana

దండాలు…దండాలు ఓ వక్రతుండా…
ఏమియ్య నీకు..మా కలలు పండ..
గౌరమ్మ ముద్దాడు బంగారుకొండ…
కావాలి మాకెపుడు నీ అండ దండ..

ఉజ్జయినీ పురమునకు వత్తుమయా కాళుడా…
మా పూజలందుకొను వరమును ఎప్పుడిత్తువయా కాళుడా…
భక్తిమీర సేవచేయ తరలి వచ్చి కాళుడా….

మహా కాళేశ్వరా…పరమేశ్వరా…
రౌద్ర రూప స్వరూపా…జగదీశ్వరా…
శిరమొంచి మొక్కేము నీ పాదాలను..

ఏమాయరా శంకరా…నీ మోములో చిరునగవులు….
కనమాయరా..ఎరుపెక్కిన కనులలో నీ కరుణ సంపదలు…
తట్టుకోగలదా శంకరా…ధరణి నీవాగ్రహిస్తే…

దర్శించుకోవాలని వుంది దయాగుణశీలా నా మనసుకి….
నిన్ను పూజించుకోవాలని ఉంది శంకరా..చేరి నీ గుడి లోనికి…
ఆనతియ్యరా చేయ నీ పూజా విధులను….