Author name: Surya Narayana

ఎటుల సరిపోవునయ్య శంకరా…నిను తిలకించ ఈ రెండు కనులు….
అసలు సరిపోవునా శంకరా…నిను సేవించ ఈ రెండు కరములు….
మహోన్నతమైన నీ దివ్య సౌందర్య మును తిలకించనవునా?

ఓ చల్లని చూపుల తల్లీ..
మా శివుని మనంబున విరిసిన మల్లి…
మ్రొక్కెమమ్మా నీ పదములను…
పుణ్యము నొసగే నీ చరణములను..

అత్యంత సుందరం శంకరా..నీ దివ్య సౌందర్యం…
కనిన జనులెల్లరికి కలుగు సిరుల సౌభాగ్యం…
చిత్తరువులవుదురు నిను గాంచినాక….

పరమ పావనమైన పరమేశ్వరుడు
వేచి ఉన్నాడు వరములియ్య…
అడగకనే వరములిచ్చు మహ మంచివాడు మన శంకరయ్య….

త్రినయనా…నీ నుదుటిపై
తిరునామము..
ఎరుగకున్నది శంకరా…దాని పరమార్థము…
అవగతము చేసుకొన అనర్హులము మేము..

వందే విష్ణుం…శివ మానసం..
నమ: పార్వతీ పతిం..హరి సంతసం..
శంభో మహాదేవ నారాయణం…
సదా మీ నామమే మాకు పారాయణం..

ఓం నమః శివాయ నమః ఏ వరమెందుకు ఇక మాకు..శంకరుడా..పరమాద్భుతముగ నిను కని నాక.. హిమగిరుడా..ఎన్నడూ పొందని భాగ్యము నేడు పొందితిమయ్యా …మేమెన్నడూ కనని నీ దివ్య సౌందర్యమును కని తరించితి మయ్యా….ధరణీ తలము పై వెలసిన దాక్షాయణి హృదయ వల్లభ…శ్రవణా నందమయా…నీ శుభ నామము….హైమావతి మానస సుమ సౌరభా…!!ఏ వర!! సురులు సైతం సాగిల పడి ప్రార్థించు లాగు….మునులు అరమోడ్పు కనులతో అర్తించు లాగు…మూర్తీభవించిన నీ దివ్య స్వరూపమును గాంచి….కీర్తించని హృదయముండునా శంకరా…భక్తితో పరవశించి….శంభో మహా దేవ శివశంకరా..ఏనాటి పుణ్య ఫలమిది మాకు చెప్పరా..గంగాధరా…!!ఏ వర!! ఏమాశిసించకనే ఇచ్చేవు నీ శుభ  దర్శనం…నీ నామ స్మరణకే ఇచ్చేవు ఎవరికైనా మోక్షము ..తొలి జాము నుండి మలి జాము వరకు…తొట్ట తొలి భక్తుడి నుండి చిట్ట చివరి వారి వరకు…చిందించుతూ చేసేవు సుమధురముగ చిరునగవులు..“పునదర్శన ప్రాప్తిరస్తూ” అని ప్రేమతో ఆశీర్వదించి పంపేను నీ పెదవులు…శంభో మహాదేవ శివ శంకరా…ఏ నాటి వరమిది చెప్పరా గంగాధ రా….!!ఏ వర!! పాహిమాం….పాహిమాం…పరమేశ్వరా…పాహిమాం…రక్షమాం..రక్షమాం..సర్వేశ్వరా…రక్ష మాం..

కోటి బిల్వార్చనలు చేసినా…
శతకోటి పుష్పార్చనలు చేసినా..
తీరునా నీ ఋణము శంకరా…
జన్మలెన్నైతే చాలునయ్య ఈశ్వరా…

విష్ణు రూపాయ విశ్వేశ్వరా..
పరంధామ ప్రకాశాయ…పరమేశ్వరా ..
ఎంత సుదినమయా శంకరా ..నేడు మాకు…

భీతావహం…శివ శంకరం
బహు భయానకం…వరదాయకం…
నమో..పార్వతీశా శరణంటిమయ్య…
హే..గౌరీ మహేశ… కరుణించుమయ్య…!! భీతా వహం!!