Author name: Surya Narayana

శంభో హరా శంకరా…
గంగానదీ తీర హరహర…
ఎన్నడని అడగము…
ఎప్పుడని కోరము…
కరుణిస్తె చాలయా శంకరా…ఒకసారి ఈ జన్మకి…

అర్థించ నన్నవి శంకరా…ఏ వరములు….
నీ పాదములను కడగాలనుకున్న ఈ కరములు…
కోరనే కోరనన్నవి శంకరా…ఏ కోర్కెలు….

జయ మంగళమమ్మా…
జగదీశ్వరీ….
శుభ మంగళమమ్మా…పరమేశ్వరీ..
పెద్ద ముత్తైదువు తల్లీ…స్త్రీ జాతికి..
పెద్ద…పెద్దమ్మవు తల్లీ .ఈ జగతికి…

ఏక దంతాయా నీరాజనం…
భళా..గణపతి నీ దర్శనం…
గజముఖాయా..నీ చరణం…
తాకినంతనే కలుగు శుభం…
గం..గం…గణపతి గజాననా…

విధేయుడవయ్య వీరాంజనేయా…
వినమ్రత నీకు ఆభరణమయ్య….
విశ్వనాధుని మదిన కొలువైన హనుమా….

ఎన్ని రూపములు…ఎన్నెన్ని రూపముల దర్శనములు….
శంకరా…మము కరుణించి వరమియ్య నీకొచ్చెనా ఇన్ని కష్టములు …
తిలకించుచున్నాము..భక్తితో నిత్యమూ నీ దివ్య దర్శనం….

పుణ్యాత్ములగుదురయా శంకరా… ఎవరైన నిను కనిన ఈ క్షణాన…. అపర ధన్యాత్ములగుదురయా…
వారందరూ నిను గాంచి సుందరాన…

ఏ నోము నోచేనొ శంకరా…ఆ మారేడు దళము…
నీ మనసుకయ్యింది బహు ప్రీతికరము…
పుట్టనా…మరుజన్మలో మారేడు దళము నేనై…

దయకను రూపం…శివా నీ వదనం…
కరుణామృత కలశం…నీ ప్రతి నయనం ..
శుభ దర్శనమిచ్చిన సుందర రూప శుభంకరా….

కన్నామయా శివా…కన్నామయ..
కని…మనసార నిను వేడుకున్నా మయా…
ఉన్నామయా… భువిన వున్నామయా…
నీ కరుణచే మనగలిగి ఉన్నామాయా…