Author name: Surya Narayana

పరమేశ్వరా…పరికించరా…
పరి పరి విధముల కీర్తించు మా మదిని కానరా…
జగదీశ్వరా… జాగేలరా…
జల జలా రాలె కన్నీరు మా కనుల కరుణించరా…

కైలాస వాసా…కారుణ్య మానసా…
ఎక్కడున్నావని వెతికేరయా శంకరా…నిన్నందరూ….
తమలోనే ప్రాణమై ఉన్నావన్న సంగతి ఎరుగకున్నారు ఎవ్వరూ…
క్షణమాగితే చాలు మా ఊపిరి…

శంకరా….మాకున్న కనులూ రెండూ చిన్నవి…
అత్యంత సుందరముగ నున్న నిను కనగ సరిపోవునా అవి…
తెరిపించవయ్య…పరిపూర్ణముగా మా మనోనేత్రముని….

నమో నాగరాజా నమో నమో….
నమో దివ్యతేజా నమో నమో….
శివ కేశవుల కరుణ పొందిన సర్పోత్తమా….
హరి హారుల మదిన నిలిచిన నాగోత్తమా…!!నమో!!

సాలుకొక సారి ఇచ్చేవు శంకరా…
నాగ చంద్రేశ్వరునివై నీ దర్శనం…
మా మేలుకోరి వచ్చేవు హర హరా…
తిలకించుతూ తరియంచమని ఆ దినం….
ఉజ్జయిని క్షేత్రమును పాలించుచూ…

ఏదో తెలియని దివ్యానుభూతి…
నిను కనిన క్షణమున కలిగేను పశుపతి..
ఎప్పుడూ కననైతిమి ఈ రీతి నిన్ను…
కానరా.. ఈనాడు ఆనంద సంద్రాలు మా మదిన తాకాయి మిన్ను…