Author name: Surya Narayana

ప్రణామములయ్య పరమేశ్వరా…
నిత్య నీరాజనములయ్య
కాళేశ్వరా..
నిను కనగనే అయ్యింది
హృదయము మందిరముగా …

అమ్మోరు తల్లీ…బంగారు తల్లీ…
చూడ ముచ్చట గొలుపు శ్రీ కల్పవల్లీ…
కరుణ రసామృతధారలను కురిపించవమ్మా….

ఎగెరెరా శంకరా…మూడు రంగుల జాతీయ జెండా నీ సన్నిధాన…
కలుగురా ఇక శుభములు భరత ఖండమున నీ దయాన…
ఆజాదికా అమృత మహోత్సవపు ఆనంద వేళ….

జయ శంకర శివశంకర గంగాధర శంభో….
కరుణాకర ప్రణవాక్షర పరమేశ్వర శంభో…
కమనీయం నీ రూపం..కాత్యాయిని హృదయం…

తెలవారితే చాలు శంకరా….
కదిలే ను అర్చకుల మునివేళ్ళు కానరా…
ఎపుడెపుడు చేతుమా భస్మాభిషేకములు నీకని….

అన్నా… శివన్నా అంటూ పిలిచేరు నిన్ను….
ఆడపడచులందరూ ప్రేమతో
కొలిచేరు నిన్ను….

ఈశ్వరా…పరమేశ్వరా…
కోట్ల సార్లైనా దర్శించు కోవాలనిపించు నీ రూపము..
శంకరా…శుభకరా…

శంకరా…శశిధరా..
ఏలనయ్యా మారేడా… ఎరుపెక్కె నీ కనులు రెండు….
శలవియ్యవయ్యా దిద్దుకొందుము మాతప్పులెన్నున్న నేడు…

శంకరా…పరమాద్భుతమయా నీ రూపము …..
శశిధరా…ముక్తి నొసగుచున్నట్లున్న నీ ప్రతి రూపము…
కృతజ్ఞతతో నిండిన కన్నీటి కన్నులివి కానరా….

ఎటుల తెలిపెద శంకరా…నా భక్తిని…
నీకెటుల తెలిపెద హర హరా..నా ఆర్తిని….
తెలియజేయుటన్నది సాధ్యమా ఈశ్వరా…
తెలుసుకొనుటన్నది నీకు సుసాధ్యమే శుభకరా…!!ఎటుల!!