Author name: Surya Narayana

గోవిందా నమో…నమో
శివానందా నమో నమో…
పన్నగ శయనా నమో నమో…
ఫణి భూషణా నమో నమో…

కానరారా శంకరా…
కలనైన లీలగా కానరారా…
తాకనీరా శంకరా…
నీ పాద ధూళినైనా తాకనీరా…

వస్తోంది…వస్తోంది…గణనాయక
భాద్రపద మాసంబు వస్తోంది..వస్తోంది శుభదాయకా…
పందిళ్ళు వేసేము మేమందరం….
ముదముగ చేసేము మేమంత నీ చవితి సంబరం ..

శాంభవీ…శివ ప్రియ బాంధవీ…
ఈశ్వరీ…శివ హృదయేశ్వరీ…
అడగమందువమ్మా…శ్రీ జననీ

కనులకింపగు కారుణ్య రూపము…
మదిన నింపగు పరమేశ్వరుని రూపము…
హృదిని కైలాసము గ చేసి ఆవాహనము చేసేము శివుని…

అడగనా….అడగనా…అడగనా…శంకరా… ఒకే ఒక్క వరము….
పలుకనిమ్మని నానోట ఎప్పుడూ ఓం నమః శివాయ మంత్రము…

శ్రీ రాములోరి హనుమా…
సద్గుణ సంపన్న కపి సార్వభౌమా…
కంటిమయా మారుతీ…నిను
కాళలింగమున…
పొందితివి కదా స్థానము…పరమేశ్వరుని కరుణ హృదయాన…!!శ్రీ!!

ముచ్చటాయెనా శంకరా…దర్శనం బియ్యగా….
కృష్ణాష్టమి పర్వదినమున కన్నయ్య గా…
దేవకీ నందనుడి జన్మదిన శుభవేళ…

వేడుకొన వచ్చాము శాంకరీ…
నిను కోరుకొన వరమొకటి శుభకరీ..
లోకమును పాలించు లోకేశ్వరీ…
మా లోకమే నీవగునట్లు దీవించు జగదీశ్వరీ…!! వేడు!!

వక్రతుండా… పూజింతుమయ్యా
ఏ సిరులనూ కోరకుండా…
ఏకదంతా…దీవించుమయ్య విఘ్నములు కలగకుండా…
పార్వతీ పరమేశ్వరుల ప్రియ నందనా….