Author name: Surya Narayana

సోమశేఖరా.. నిను కనిన కలుగునా సంకటములు….
నాగభూషణా…నీ పద ము పలికిన కలుగునా భయములు…
ఇసుమంత భక్తికే పొంగి పోయే నీవు…

ప్రసరించినావు శంకరా….నీ చూపుని…
తిలకించ ముదమార నీ సృష్టిని…
వేచివుందయా శంకరా…ఈ ధరణి నీ కరుణ కై…

కలగనని స్థితిని ఇచ్చేవు కరుణాకరా…
కలనైన నిను మరువ లేనటుల గంగాధరా..
శంకరా… అనిపిలిచితే చాలు..పారు వరదలై వరములు….

నమస్కృతులమ్మ జగదీశ్వరీ…
వేల కృతులు పాడెద భువనేశ్వరీ…
ఆలపించుతూ ఆరాధింతుమమ్మ కాత్యాయనీ….
ఆలకించుతూ దీవించుమమ్మ శివ శివానీ…

నన్నెప్పుడూ అడగకయా శంకరా…ఏ వరము కావాలని..
ఏమివ్వకున్ననూ నేనెప్పుడూ అడగను ఏంతప్పు చేశానని…
కర్మ ఫలముల కొలదీ ఇచ్చేవు వరములు ఎవరికైనా…

ప్రణవనాద ప్రియుడు పరమేశ్వరుండు….
శంఖునాద ప్రియుడు శివ శంకరుండు….
సంగీత సాహిత్యముల సేవలకు సంతసించును శివుడు….

ఇంటికెళ్ళకూడదటయ్యా పార్వతీశా…
ఇంకెంత కాలమని ఇచట కూర్చోని వుంటావు ఉమా మహేశా….
వల్లమాలిన ప్రేమెందుకో నీకు వల్లకాటిపై…

ఆదివారము నాడు అరుణోదయ వేళ..
దివ్య దర్శనము నిచ్చావు దీన దయాళ….
ప్రకాశించవా ఇక మా జీవితాలు…

దండాలు చేశాము శంకరా…
పూలదండలేసీ నీకు హార హరా…
గండాలు బాపరా ఈశ్వరా….

నిను కాన వచ్చాము శంకరా…
మనసార దీవించి పంపరా హర హరా…
బంధు మిత్రుల తోటి…భార్యా పిల్లల తోటి…