Author name: Surya Narayana

ఎంత పుణ్యము చేసుకొనెనో శంకరా…మా రెండు కనులు…
నిను గాంచి ధన్యతను పొందాయి వేవేల జన్మలు…
ఇచ్చావు ఈ వరము ఈ జన్మకు…

ఎటులైన కాని…చూపింతురే శివుని…
ఏ తీరునైతే నేమి…మహా కాళేశ్వరుని కంటిమి..
నిత్య దర్శనము పొంది ధన్యులైనాము…

అడ్డ నామాల శంకరయ్య…
మహా దొడ్డ మనసు గల ఈశ్వరయ్య..
ఇది ఎన్ని జన్మల పుణ్యమయ్య..
నీ సేవ చేయగ ఇలన ఉంటిమయ్యా..!!అడ్డ!!

నెల పొడుపు చంద్రుడు..నీ నుదుటి పై మెరిశాడు…
దానికనుగణముగ మారేడు అందముగ అమరాడు…
జీవకళ ఉట్టి పడుతున్నట్లుంది నీ ఆహార్యము…

దయకనరా జంగమా…
కాస్తంత కరుణించరా లింగమా…
ఆపాదమస్తకమూ దర్శించుకున్నాము…

కానరా…కరుణాకర…
కరుణించరా గంగాధరా..
చేతిలో ఒక గంగ చెంబు…
తలచుచూ పంచాక్షరీ మంత్రంబు…

పార్వతీ గారాల పట్టీ….
పూజించమా నీకు దండాలు పెట్టి…
పరమేశ్వరుని కరుణ వలన…
మాకు దైవమయ్యావు సూక్ష్మ నయనా…

ఏమందుమమ్మా పరమేశ్వరీ…
నీ కరుణనేమందుమమ్మా జగదీశ్వరీ…
చల్లంగ చూసేవు నమ్మి కొలిచే వారిని…

మహా కాళలింగమున కేశవుని రూపము..
శ్రీ హరిని కని మా మది పొందునిక మోక్షము…
అరుదైన దర్శనము ఇది ఇలన ప్రతి ఒకరికీ…

వదలగలరా శంకరా… వదలగలరా..
కట్టకడదాక నీ చరణాలు ఎవరైన వదలగలరా…
కదలగలరా హరహర… కదలగలరా