Author name: Surya Narayana

ఎలుక వాహనమెక్కి రావయ్య వేగిరాన…
నిను కొలువ వున్నాము పార్వతీ నందనా….
పాల వెల్లిని కట్టి సిద్ధముగ నున్నాము…

వెళ్లాలనిపించునా శంకరా…మా ఇంటికి…
నిను కనగ వచ్చాక గుడిలోనికి…
త్రిదళమునై చేరాలనుంటే నీ పాదాల చెంత….

ప్రతి దినమొక శుభ దినము…
నిను కనగా శివ..మాకిది వరము..
నీవిచ్చే ఈ దర్శనము..
కలిసొచ్చిన కోరని భాగ్యము..

ఎవరికిచ్చావు శంకరా…వరమును..
కాళలింగమున అచ్చుగుద్దినట్లు తీర్చ నీ నిజరూపమును..
ధన్యుడయా అతడు శివశంకరా…

వరములడగవు ఎందుకని నన్నడగకయ్యా శివ శంకరా…
కావలసినవన్నీ అడగకనే నాకిస్తువుంటే ఏమడగనయ్యా పరమేశ్వరా….
తెలిసియో..తెలియకో నిను నేను కొలిచినది తక్కువేమో గాని…

కంటిమయ్యా మనసార సాంబ మూర్తి…
నింపుకుంటిమయ్యా మనసులో సౌందర్య మూర్తి….
ఉండిపోవయ్య గుండెలో ప్రతి రూపమై కదలాడక….

రుద్రాక్ష ప్రియ శంకరా…
నీ పాద ముద్రలను పూజించనీ…
అసమాక్ష శంభో హరా…నీ పద సేవలో నన్ను తరియించనీ..

ఆచరింతుమయ్యా గణపతీ…
నీ బాట అనుసరింతుమయ్యా..గణపతి
పూజించి శివ పార్వతుల దీవెనలు పొందినటుల…

ఎందుకిక..నాకెందుకిక శివ శంకరా ఏ వరములు…
పొందికగా లయబద్ధముగ వ్రాయిస్తువుంటే నీ పదములు ..
కదలిపోతూ కలమువ్రాసే అక్షరాలివి కావురా…

వినిపింతు శంకరా…నా మనో వేదనను…
మనసు మాట వినని ఈ బుద్ధి తీరు తెన్నునూ…
వలదు వలదనిననూ బుద్ధి తగని పని చేస్తుంటే…