Author name: Surya Narayana

లాగేస్తుంది శంకరా..మా పాదము నీ గుడివైపుకి…
మనసు లాగేస్తుంది కానరా.. నిను దర్శించడానికి…
ఇవ్వరా పరాత్పరా ..వేగమే ఆనతీ..

పక్కనే ఉంటావట కదా శంకరా…పలుకవయ్యా…
భక్తితో పిలిచాను బదులివ్వవయ్య..
ఏ తప్పు చేసివున్నా మన్నించరా విభూది నామాల సామీ..

పలుకుతుంటే శంకరా…సుస్వరముతో నీ నమక చమకం…
కమనీయనాదమై జతకలిసె ఈశ్వరా..నీ చేతి ఢమరుకం…
లయబద్దమైన శబ్ధ సంగీత సాహిత్య శ్రవణమై…

విశిష్ట వానరము వేలుపాయెను నేడు….
కాళేశ్వరునిగా పూజలందుకొని అంజనీ సుత హనుమంతుడు…
ఎంత భాగ్యమిస్తివయా హనుమకి…
రామ నామ జపతపములే ఊపిరైనట్టి హనుమానుకి..!!విశిష్ట!!

దండాలు..దండాలు..ఓ వక్రతుండ..
శతకోటి దండాలు గౌరమ్మ బంగారు కొండ…
లేకున్న ఎవరికీ నీ అండదండ…
జరుగునా ఏ కార్యమైన నీ పూజ చేయకుండా…!!దండాలు!!

ముద్రించుకోనా శంకరా నీ రూపము…
భద్రపరచుకొనగ పదిలముగ నా హృదిలోన నీ ప్రతి రూపము…
మా గుండె కావాలి నీ మందిరం…

ఉన్నావయా శంకరా…మా మనసులో..
మసలుతున్నావయా ప్రతి క్షణము మా తలపులో…
ఉజ్జయిని శ్రీ కాళలింగమా…
అమరనాధానా కొలువైన హిమలింగమా..!!ఉన్నావయా!!

వరసిద్ధి వినాయకా వరములియ్య రా…
పరమశివుని ప్రియసుతా… పూజలందుకొనగ రా…
జై గణేశ.. జై గణేశ.. జై గణేశా పాహిమాం…

వలదు…వలదంటున్న వినదాయె శంకరా నా మనసు…
నిత్యమూ నీ నామస్మరణమే దానికి తపసు…
బయటపడదని తెలుసు తనకి నీ మాయలో పడితే…

మరచిపోయాయట శంకరా…
మా కనులు రెప్ప వాల్చటము..
గురుతురావటములేదట వాటికి తెప్పరిల్లటము…