Author name: Surya Narayana

పలుకరించేవు శంకరా..మా పైన కరుణతో…
పరితపించేవు పరమేశ్వరా..మా కొరకు ప్రేమతో..
నీ భక్తులమవుటన్నది ఏ పూర్వ పుణ్యమో…

శంకరా..శివశంకరా…
ధన్యజీవిని చేయరా…
ఈశ్వరా…పరమేశ్వరా..
నను పుణ్య చరితుని చేయరా…

ఏ శుభ ఘడియలో వత్తువో చెప్పరా శంకరా…నా హృదయానికి..
నిదురైన పోకుండ వేచి ఉంటానంది మది..నిటలాక్ష నీ రాకకి…

ఉన్నంతలో చేసేమయా నీ పూజను…
మాపైన.. నువ్వెంత చూపించినా చాలురా నీ కరుణను…
కొలతలన్నవి మాకు వలదు శివయ్యా…

సమస్త ప్రాణికోటికి తేజమై…
ధరిత్రి ప్రగతికి మూలమై…
విశిష్ట భాస్కరుని రూపమున..
సహస్ర కిరణ సుశోభితమున..

ఇప్పటికిప్పుడు ఎవ్వరు అడిగినా ఇచ్చేవయ్యా వరమును..
మా తప్పులు లెక్కకు మించీ వున్నా మన్నించేవయ్యా మా కర్మను…
కలరా..ఇలపై ఎవరన్నా…

కనిపించవట కదా ఈశ్వరా…
ఉన్నట్లు అనిపించవట కదా పరమేశ్వరా…
ప్రతి ఎదలోన కొలువై నీవుంటే ఎటుల కనిపించెదవు నీవు…

కనులా…కరుణనిధులా…
కరుణించు నేత్రాలు ప్రసరించు మోక్ష మార్గమ్ములా…
చెప్పవయ్యా శంకరా…

ఓ బొజ్జగణపయ్య..నీ బంటు మేమయ్య అంటు పాడుకుంటూ పెరిగామయా గణపతి…
ఉండ్రాళ్లు తినమంటు, దీవెనలు ఇమ్మంటు నీ పందిళ్ళలో ఆడుకుంటూ ఎదిగామయా వరసిద్ధి గణపతి…

ఓం నమో విష్ణురూపాయ శివశంకరా…
ఓం నమో ఆదినారాయణాయ అభయంకరా…
శివుని ఆలయాన నారాయణునికి పూజలు…