Author name: Surya Narayana

నిన్నని కాదు… నేడని కాదు….
ప్రతి దినము అద్భుతమైనయా శంకరా…నీ దర్శనం…
ఇపుడనికాదు… అపుడనికాదు…

నేడా? రేపా? ఎపుడయ్య శంకరా…
అపుడిపుడని అనకనే కరుణించుము శశిధరా..
ఎద గుడిలో నిన్నుంచి కొలిచేము కానరా…
ఒక క్షణమే చాలయ్యా.. దీవించగ శుభకరా..!!నేడా!!

ఏ క్షణములో కలిగిందో శంకరా…నీ పైన భక్తి నాకు….
ఆ క్షణము నుండే నీ మది సరసులో కావాలనుంది నేను తామరాకు…
ప్రతి ప్రభాత సమయాన వికసించు కమలమల్లే…

అమ్మవైనా నీవే…అయ్యవైనా నీవే…
మాకన్నియూ నేవేనయా అర్ధనారీశ్వరా…
మా సర్వమూ నీవెనయా పార్వతీ పరమేశ్వరా…!!అమ్మ!!

ఎంత ముదమాయెనో శంకరా…హనుమయ్య నీకు….
రామ భక్తుని…లింగాన ఆవాహనము చేయించి ఆదరించిన నీకు…
హనుమా…నీ జన్మ ధన్యము…

ఎటుల చేయగలనయ్య శంకరా…నీ పూజనీ…
కాస్తైనా నిలకడలేని ఈ మనసుతో…
నేనెటుల చేయగలనయ్య ఈశ్వరా…నీ సేవనీ..

శాంకరీ…నిను కనినంతనే ఆనంద గంగ పొంగేను నా కనులలో…
శివశంకరీ…నీ పాదములు
స్ప్రశియించి నంతనే వెలుగు కోటి వెన్నెల కాంతులు మా మనములో..

పరమేశ్వరా…పరికించరా…
ప్రారబ్ధ కర్మలు వెన్నాడుతున్నాయి రక్షించరా…
సర్వేశ్వరా…మన్నించరా…

ధన్యుడనైతిని జంగమా….
లింగాన నిను కనుచూ.. దైవమా….
వినవయ్య.. పలికేను నా
ఎదలోయలలో నీ ఓంకార నాదము…

కలగనని రూపాన కరుణించ…కాత్యాయనీ పతి…
దీవించ దివి నుండి దిగి వచ్చినావా గిరిజాపతి…
నమో వాక్కములయ్య నీకు నాగేశ్వరా..