Author name: Surya Narayana

గజముఖ వదనా..గౌరీ శంకరా…
నీకభిముఖముగ నే నిలబడ తగునా…
కరిచర్మాంబర..కాశీపురహరా..
కలలోనైనా నిను కనగలనా త్రినయనా..

కలడందురు శివుడు…
కనులకు కనిపించుడందురు…
వినుడందురు శివుడు…
జనుల మొరలు వినుడందురు…

హర హర హర శంభో…
మా కాశీ పుర వర హార శంభో…
ఏలనయా శివా నేడు నీ కళ్లు ఎర్రనా
రేపవలు మము కాచి అవి ఎరుపెక్కెనా..

దినమొక రూపము నీ దివ్య దర్శనము..
మా కనులకిది యోగము నిత్య సందర్శనము…

ఎంతవరమొందితిమోనయా శివా…నిత్యమూ నినుకన .
మాకెంత భాగ్యమోనయా శివా…ప్రతి

తొలి రవికిరణము నేలను తాకుచుండగా…
అల కోయిల తొలి పలుకులు పలుకుచుండగా…

అర్ధనారీశ్వరాయ..అద్వైత మూర్తాయా…
ఆదిపరాశక్తీశా..పాహిమాం..పాహిమాం

నీ ఫాల నేత్రమున సాలె గూడులా ఆ ఆహార్యం…
నీ ప్రియ భక్తుని గా ఆ స్థానాన్ని పొంది నీ నుదుటన చేరిన ఆ పురుగు జన్మ ధన్యం…

శ్రీ రామ భక్త హనుమ నీలోన ఉద్భవించగా కనువిందాయా శివా…
భక్తి పారవశ్యము తో నీ మదిని గెలుపొందిన తనకు సాటి ఎవరయా శివా…

శివాయ…శివాయ..శివ శంకరాయ…
విన్నవించనీ మా మనవి విశ్వేశ్వరాయ.