Author name: Surya Narayana

గుట్టపై నున్నా…ఏ కొండపై నున్నా…
కదలి వచ్చేమయా శంకరా…
నీ పద సేవ చేయ తరలి వచ్చేమయా శంకరా..
వాగులెన్ని అడ్డొచ్చినా….వంకలైపారినా..

ఎటుల తెలుపను శంకరా…నా ఆర్తిని…
నీకెటుల తెలుపగల ఈశ్వరా…
నీ పైన గల నా భక్తిని…
ఘోర తపములు చేయలేను…

ఉజ్జయిని శ్రీ కాళ లింగమా…
విశ్వమోహన రూప జంగమా…
ఎనలేని భక్తిని మాకొసగుమయ్య..
కనరాని కైలాస శిఖరాలు కననీయ్యవయ్య…

కన్నానయా.. కరుణామయా
నీ మహిమాన్విత రూపము…
చెప్పుకున్నానయా…దయామయా
భక్తి పూర్వకముగ నా విన్నపము..

ఎంత దయరా పరమేశ్వరా మా పైన ..
నీకెంత కరుణరా శంకరా…ఇలపైన
నిత్యమూ వీక్షిస్తుంటావు నిటలాక్షుడా…

నేత్ర పర్వ దర్శనమిది శివ శంకరా…
పూర్వ జన్మ సుకృత ఫలమిది పరమేశ్వరా…
ఋణ పడి ఉంటాము శివయ్య…నీకు ఎన్ని జన్మలైనా..

శ్రీ ఆంజనేయం…శివ శంకరం..
ప్రసన్నాంజనేయం… పరమేశ్వరం..
భక్తాంజనేయం…భీమేశ్వరం…
వీరాంజనేయం…విశ్వేశ్వరం…

అమ్మా…దాక్షాయణి..దయచూడవమ్మా…
తల్లీ..కాత్యాయనీ..కరుణించవమ్మా
మంగళమిది కొనుమమ్మ…పరమపావనీ…

రమణీయం….నీ వదనం…
కడు స్మరణీయం…నీ రూపం…
కమనీయం..నీ గానం..
అతిమధురం…నీ నామం…

త్రిదళ పూజిత శంకరా…
త్రినయన శోభిత భవహరా…
త్రిలోక రక్షక వీక్షకా…
త్రిశూల హస్త కపాలికా….